Marta Sertaje

Convencidos de que o viño se consegue principalmente no viñedo, presentámosvos os nosos produtos:

GODELLO A COROA – Varietal – Este viño é o resultado de uvas procedentes de 5 parcelas de produción controlada de A Coroa. A idade media dos viñedos, así como as diferentes altitudes, orientacións e heteroxeneidade dos terreos, dotan ao conxunto de exclusiva mineralicidade e sobresaínte complexidade. O resultado é un harmónico coupage onde a nobreza da variedade Godello se presenta xenerosa, e nos ofrece un viño fresco e varietal. A través dun excelente equilibrio entre alcohol – acidez, A Coroa 100% Godello é un viño longo e envolvente.

GODELLO A COROA LÍAS – Madurez – Viño elaborado coa máis coidada selección de uvas Godello provenientes dun dos nosos viñedos máis característicos, "A Sobreira". A parcela, localizada a 450 metros de altitude, destaca polos seus chans franco-areosos con cantos rodados e sedimentos provenientes do arrastre dos cursos da auga do cuaternario. Despois da súa fermentación, os mostos repousan durante 5 meses sobre as súas lías en suspensión a través da aplicación da técnica do “batonnage”. A Coroa Lías é un viño complexo e redondo, que sorprende dende a súa entrada en boca e persiste no recordo.

A COROA LADEIRA VELLA – Suntuosidade – Dunha produción moi reducida de Garnacha Tintureira proveniente de cepas centenarias, saen ao mercado arredor de 2500 botellas deste especial viño. A elegante e exclusiva variedade reflicte un excelente equilibrio entre maduración e vitalidade. É longo e persistente, con gran presenza de froita e retrogusto con predominantes notas especiadas. Un viño inimitable, con carácter e gran potencial de envellecemento.