Eduardo Peña

MARÍA ANDREA

Viño branco elaborado coas variedades 50% Treixadura, 25% Albariño e 25% Loureira

Fase visual: Cor amarela pálida con reflexos verdes. Boa bágoa.

Fase olfactiva: Apréciase froita branca, mazá, pera, notas cítricas e de céspede recentemente cortado que lembran aos aromas da uva ao estrullala durante a vendima. Limpo e varietal.

Fase gustativa: Boca saborosa, aveludada e glicérica. Boa acidez que o equilibra e lle aporta esa frescura que os viños brancos precisan para manterse e incluso mellorar co tempo. Ben estruturado e doado de beber, froiteiro e con certas notas especiadas.

Maridaxe: Mariscos, pescados e carnes brancas.

EDUARDO PEÑA

Elaborado con: Treixadura, Albariño, Loureira, Godello e Lado

Fase visual: Cor amarela palla con reflexos verdes. Limpo, transparente, brillante e de boa bágoa.

Fase olfactiva: Nariz de gran intensidade, onde os aromas primarios son os grandes protagonistas. Mandarina, pera, albaricoque e pexego, sumados a cítricos, notas de flores bancas, de rosas e flor de laranxa trazan unha fragrancia elegante, limpa e varietal. Perfil terpénico.

Fase gustativa: Equilibrado, saboroso e fresco. Cunha acidez natural que realza todos eses sabores a froitas e flores que describimos antes. Boa suavidade e estrutura. Retronasal moi limpo, froiteiro e longo.

Harmonía: Con todo tipo de pescado, arroces, aves, carnes brancas e incluso sobremesas.

EDUARDO PEÑA. LA VISTA

Elaborado con Albariño e Treixadura.

Fase visual: Cor amarela verdosa, limpa, transparente e brillante. Lágrima abundante.

Fase olfactiva: Nariz de intensidade alta. Cítricos e flores de laranxeiro, mandarina, froita de pelo, pexego e mango, ben ensamblados con notas balsámicas e de panadaría.

Fase gustativa: Boca de boa estrutura. Denso, untuoso, glicérico e á súa vez moi fresco. Cunha acidez ben marcada, moi froiteiro e longo.

Harmonía: Pescados, arroces, aves, carnes, caza e incluso sobremesas.