LOURDES

Os nosos produtos son:

Torta de améndoas e castañas ¨Val de Sarria¨: é unha receita familiar que a miña nai e a miña avoa facían para ocasións especiais, é deses sabores da infancia que levas para sempre, por iso decidín que tiña que ser o protagonista da marca. É unha homenaxe ás mulleres da miña familia. 

Os nosos almendrados: é unha receita tradicional, desas que case todos fixemos algunha vez, tamén é un dos meus doces favoritos, así que tiven claro desde o principio que tiña que estar na miña lista de produtos. A diferenza é que a améndoa a deixo en anacos grandes par que o tostala lle dea máis sabor. 

Os Estrelamp@s: a nosa filla Xulia ten un coello ¨rex de pelo curto¨ branco e negro chamado Estrelampo, levaba tempo pedíndome que fixese unha galleta bicolor inspirada nel e así naceron estas galletas. Por suposto o deseño da etiqueta é de Xulia!!!