ALTER

Situada en pleno corazón do Ribeiro, nas beiras do río Miño, a adega Priorato de Razamonde nace grazas ao esforzo e a dedicación dunha familia que, a través dos anos, atopou no viño a mellor forma de transmitir o sabor das súas terras, contando hoxe con vinte hectáreas de viñedo propio. O obxectivo desta adega é recuperar o sabor e a esencia do Ribeiro, seleccionando só variedades autóctonas e elaborando o seu viño con uvas saídas exclusivamente dos seus propios viñedos, acios que pasaron polas súas mans e coidados. Unha produción integrada para un viño da máxima calidade.