D´BERNA GODELLO

É unha adega de orixe familiar que foi creada coa filosofía de producir viños de excelente calidade nunha das denominacións de orixe con maior despregue vinícola: Valdeorras. Cunha capacidade duns 120.00 litros, alberga viños das variedades mais representativas desta denominación: Godello e Mencía. Cunha gran extensión de terreo, os viñedos atópanse nas solleiras ladeiras de Córgomo, Vilamartín de Valdeorras, onde se rexistran as temperaturas máis altas e baixas de toda Galicia, ademais da menor pluviometría da rexión. Isto garante, xunto cos importantes saltos térmicos do día/noite, unha boa acidez para os viños brancos. Os solos lousados proporciónanlle o marcado carácter mineral propio dos godellos. A adega está equipada coas últimas tecnoloxías enolóxicas. Aplicando as novas técnicas de elaboración vinculadas á tecnoloxía e a tradición familiar, obtéñense estes magníficos viños Godello e Mencía.