Elixiches esta experiencia...
Don Bernardino. Finca Mezquita

Don Bernardino. Finca Mezquita

Adegas Don Bernardino
DO Ribeira Sacra

55,00€

Produción limitada deste viño tinto elaborado coa variedade Mencía e que permanece en barrica francesa durante 24 meses.

Cor vermella picota, brillante, de intensidade media-alta e con boa capa.

Na copa apréciase unha gran intensidade aromática, con moita froita, notas de cereixa, guindas, amoras e cirola negra. Aromas a afumados finos e elegantes.

Complexo e equilibrado. Longo en boca, estruturado e con volume.

Maridaxe: Ideal con todos os pratos típicos da cociña tradicional galega.

Na década dos anos 50, cando ninguén apostaba pola viticultura na zona de Amandi, na Ribeira Sacra, e quedaron moitas viñas abandonadas, Bernardino Rodríguez seguiu coa tradición familiar e mantivo os seus viñedos tal e como os herdara do seu pai, este do seu, e así sucesivamente durante xeracións. Nos anos 90, o seu fillo Emilio Rodríguez facíase cargo da adega, comezando a elaborar viños de corte tradicional, pero de alta calidade, seguindo o legado vitivinícola da familia herdada dos seus “antergos”. Durante todo este tempo, renóvase e esténdese o viñedo da man da variedade raíña da zona: a Mencía. O talante emprendedor que tivo no seu día Bernardino Rodríguez, xunto co segredo da elaboración dos seus viños e o amor pola súa terra, proxéctase no día de hoxe nunha empresa familiar con moito futuro por diante.

VIVIR UNHA EXPERIENCIA DON BERNARDINO

Experiencia Don Bernardino

O Roteiro do Viño Ribeira Sacra ofrece distintas formas de descubrir un territorio único a través dos establecementos asociados. Visitando adegas, museos e centros de interpretación; gozando de aloxamentos e restaurantes, dunha ampla rede de miradoiros e un importante conxunto de igrexas e mosteiros do Románico; de paseos a pé, en bicicleta e por río para gozar dunha paisaxe vitivinícola extraordinaria. Habitualmente organiza actividades guiadas como xornadas de portas abertas, roteiros de sendeirismo, roteiros enoturísticas, catas e maridaxes, viñobus, ... 

Reserva cita e visita a nosa adega, xuntos comentaremos e cataremos os nosos viños. Estaremos encantados de mostrarte o noso legado.

Máis info sobre O Roteiro do Viño Ribeira Sacra

Turismo na Ribeira Sacra

 

Ponlles cara

Emilio e Diego Rodriguez. Don Bernardino

Atópanos

Enderezo

Santa Cruz de Brosmos, 9
27425 · Sober
Lugo

Coordenadas

Contacta

Teléfono

670 882 449

Correo Electrónico
info@donbernardino.com

Queres estar á última das experiencias calidade?