DON GABINO

Visítanos e poderás desfrutar dunha experiencia sensorial a través da cata dos nosos produtos. Como tamén producimos mel desfrutarás da excelente maridaxe que forman o queixo e o mel galegos. Poderás percorrer a queixería, coñecer o proceso de elaboración do queixo San Simón da Costa e comprobar todo o coidado que lle dedicamos a este produto. Se te animas tamén visitaremos algún apiario veciño.

Contáctanos, cóntanos as túas inquedanzas e necesidades e guiarémoste na visita.

Aconsellámoste que experimentes cos lugares de interese próximos ás nosas instalacións.  Como a nosa igrexa, erixida en honor de San Simón, sita na parroquia de San Simón da Costa, e considerada a "Catedral da Terra Chá" polas súas dimensións. No seu atrio atópase un dos cruceiros máis antigos da zona, datado de 1793. O castro de San Simón da Costa, tamén coñecido como "Castro de Vilarmaior", onde se atoparon restos cerámicos e outros utensilios das épocas neolítica e paleolítica. O miradorio natural do Monte do Monseivane con vistas panorámicas á comarca da Terra Chá e moito máis...