ESTRELA

Adega D’Fran é unha bodega familiar afincada na subzona de Amandi, con viñedos propios plantados hai máis de 60 anos. O avó do seu actual xerente, Carlos Díaz, foi cultivando e elaborando artesanalmente un excelente viño Mencía que reflexaba o sabor da tradición. Todas as botellas producidas son de colleita propia, elaborada de forma BIO, respectando ao máximo o medio ambiente para obter a mellor calidade posible. Procuran definirse como artesáns capaces de crear estados de conciencia no catador grazas a viños sinxelos, con corpo, para os amantes do viño e para aqueles cuxo padal comeza a espertar. Cren que a firme aposta pola calidade é o maior atractivo dunha bodega pequena como a súa, inmersa nun proceso rigoroso, selectivo e moi coidadoso que caracteriza aos seus viños, sempre redondos no padal.