Elixiches esta experiencia...

Feitizo da noite

Bodegas Pablo Padín, S.L.
DO Rías Baixas

17,50€

Viño espumoso da DO Rías Baixas, elaborado con uva 100% Albariño, fresco, moi equilibrado, cunha burbulla moi agradable e suave. Crianza de 9 -12 meses en botella en rima, onde vai adquirindo complexidade, matices e unha cremosidade sorprendente en boca.
Amarelo palla, limpo e brillante. Enigmático desprendemento lento e constante de finas burbullas.

Potente, alegre e vivo. Aroma a froitas brancas, lixeiramente confeitadas, notas florais e un sutil toque tostado da crianza en botella.

Con burbulla fina e cremosa, ben integrada. Equilibrado, refrescante acidez e moi lambisqueiro. Notas de mazás maduras e cítricos.

Maridaxe: Estupendo como aperitivo para tomar con queixos, embutidos, tapas e ensaladas. Tamén idóneo con peixes e mariscos, sushi e arroces.

Ler máis

Ler menos

https://www.pablopadin.com

Bodegas Pablo Padín é unha empresa familiar con máis de trinta anos de historia. Está situada no corazón do Val do Salnés, dedicada á elaboración e comercialización de viños Albariño e Espumoso baixo a Denominación de Orixe Rías Baixas, ademais dunha completa gama de licores tradicionais e augardentes de Galicia. En 2012 convértese nunha das pioneiras na elaboración dos primeiros viños Albariño espumosos con selo de calidade DO Rías Baixas.

VIVIR UNHA EXPERIENCIA PABLO PADÍN

A nosa adega está situada en Dena, no concello de Meaño, no corazón do Val do Salnés, a escasos minutos dunha enorme riqueza en patrimonio cultural, natural e histórico. Se queres descubrir os segredos da nosa contorna, deixámosche algunhas propostas para visitar en Meaño, e se te animas a vir e nos avisas previamente, estaremos encantados de realizar unha visita guiada da nosa adega e unha cata comentada dos nosos viños. Lembra reservar cita para esta experiencia!!
Lugares que nos gustan en Meaño e que che aconsellamos explorar:
Centro de interpretación das Telleiras e Ruta das Telleiras de Seixiños en Dena.
Centro de interpretación da Muller Labrega no Pazo de Lis en Meaño.
Ruta dos Muíños de Lores, Simes e Xil.
Miradoiro de San Bieito no Santuario de San Bieito de Lores.
Miradoiro de San Cibrán de Cobas.

Ponlles cara

Cousas ricas

Cousas
ricas

Pataca de Galicia Rechea de Pulled-Porco con redución de Rías Baixas tinto e gratinado de Arzúa-Ulloa

Tempo de elaboración: 17 horas.

Mar & Daxes

Os inseparables

Mexillón de Galicia e Rías Baixas

Proposta de Nacho Costoya.

Atópanos

Enderezo

Lugar de Ameiro, 17 · Dena
36967 · Meaño
Pontevedra

Coordenadas

Contacta

Teléfono

986 743 231

Correo Electrónico

info@pablopadin.com

Responsable do tratamento:	Axencia galega da calidade alimentaria - AGACAL
Finalidade do tratamento:	Xestión das solicitudes de información das persoas interesadas relativas ás experiencias de calidade promovidas a través deste portal web, ás actividades organizadas por Agacal en relación cos produtos galegos con denominación de orixe ou indicación xeográfica protexida e outras que poidan ser do seu interese..
Lexitimación para o tratamento:	Consentimento das persoas interesadas
Destinatarios dos datos:	Non se prevén comunicacións a terceiros.
Exercicio de dereitos:	As persoas interesadas poderán solicitar ante o responsable do tratamento o acceso, rectificación, portabilidade, oposición, limitación e supresión dos seus datos a través da sede electrónica da Xunta de Galicia ou nos lugares e rexistros establecidos na normativa reguladora do procedemento administrativo común, segundo se recolle en https://www.xunta.gal/exercicio-dos-dereitos Así mesmo, poderán retirar o consentimento previamente outorgado dirixindo a súa solicitude a experienciasdecalidade [at] xunta.gal (experienciasdecalidade[at]xunta[dot]gal)
Contacto delegado de protección de datos e información adicional:	https://www.xunta.gal/proteccion-datos-persoais