Manuel Rojo

Situada na localidade ourensá da Arnoia, Adega Manuel Rojo fúndase no ano 2003, o mesmo no que entra a formar parte da Denominación de Orixe Ribeiro, aínda que a tradición familiar de viticultores e adegueiros xa se remontaba aos anos cincuenta. Esta familia envorcou toda a súa paixón na viticultura, produto do esmero, a atención e o saber facer transmitido ao longo de varias xeracións. Os viños elabóranse seguindo un coidadoso proceso de selección da uva. A través de modernas técnicas de vinificación contrólanse os procesos de fermentación, mentres que a evolución posterior é seguida de cerca por periódicos controis de cata.