Vive o Atlántico na túa copa. Descobre o lugar onde nacen os nosos albariños atlánticos. Participa nunha visita que se inicia na nosa terraza, xunto ao viñedo que rodea a adega, Finca Valiñas no que nos penetraremos, cunha localización privilexiada que recibe a brisa mariña da Ría de Arousa.
E despois vive toda unha experiencia gastronómica para gozar as fins de semana en calquera momento do ano, ao máis puro estilo Mar de Frades, onde a vida vivímola en azul. Nesta visita conxugamos a cata coa gastronomía, buscando os matices que nos proporcionan os aromas, sabores e texturas.
Tamén poderás gozar dunha cata comentada dos nosos 3 albariños, sen necesidade de visitar as instalacións da adega. Se a climatoloxía o permíte, a cata terá lugar na terraza, con vistas ao viñedo Leira Valiñas e a Ría de Arousa. Todo iso acompañado dun pequeno aperitivo local. A cata será asistida por técnico cualificado. Esperámoste !!!
Contacto para visitas: tlf 637 479 469 ou ben:
https://booking.zamoracompany.com/mardefrades/reservar-visita
Outros lugares de interese:
A 5 km de Mar de Frades, Cambados, pequena vila berce do crecemento e desenvolvemento do Albariño na zona, é unha boa opción. A destacar, a parte do seu centro histórico, as ruínas de Santa Mariña, emblema da localidade, construída sobre un templo románico do s. XII. Tamén a torre de San Sadurniño e o barrio de pescadores de San Tomé. Se continuamos pola costa pontevedresa a uns 10 km da adega atopamos Sanxenxo, sendo o seu maior atractivo a oferta de lecer, deportiva e as súas fantásticas praias. E a nota gastronómica podémola poñer no Grove, a 20 minutos da adega, onde a oferta de mariscos e peixes do día nas mariscarías da vila é sempre un acerto seguro.
