Organistrum

Mediante o seu amplo programa de actividades, Bodegas Martín Códax busca posicionar as Rías Baixas e, en concreto, o val do Salnés, como referente enoturístico de Galicia. Ademais das visitas guiadas á adega e catas comentadas, ofrecemos infinitas posibilidades para adentrarse no mundo do viño creando experiencias á medida ou simplemente desfrutando dunha selección de viños coa Ría de Arousa de fondo, grazas a súa marabillosa terraza con vistas panorámicas. Son experiencias únicas nas que o visitante se converte no protagonista. Dispoñemos de 4 actividades propias que inclúen visita guiada pola adega e finalizan cunha cata maridaxe da man do noso sumiller: “Martín Códax en Familia”, “Esencia Martín Códax, “Orixe Atlántica” e “Creacións Singulares”. As dúas primeiras inclúen unha cata comentada dos nosos viños DO Rías Baixas 100% Albariño maridados con queixos galegos denominación de orixe, a segunda con conservas Km0, mentres que a última trátase dunha selección especial das nosas creacións máis especiais e de produción limitada, maridadas con elaboracións de produtos Km0.

Por outra banda, tamén ofrecemos experiencias arraigadas no territorio nas que o visitante se converte no protagonista: “Aprende a mariscar” para vivir en primeira persoa o oficio do/as mariscadores/as da zona, “Os tesouros da Ría” para coñecer de primeira man unha conserveira desde dentro e “Mar en Liberdade” para desfrutar dun paseo pola Ría de Arousa nunha barca tradicional. Todas elas rematan cunha visita guiada á adega e cata maridaxe harmonizada con conservas gourmet Km0 como broche final.

Ligazón ás experiencias