Ponlles cara

Lácteos Farelo

Fundada en 1984, Lácteos Farelo é unha queixería especializada en elaboración artesanal de queixos galegos utilizando leite que procede de vacas de pastoreo que se alimentan con forraxes naturais. Somos primeiros compradores de leite, sempre dos mesmos proveedores, garantindo sempre a calidade e uniformidade do produto. Está asentada en Agolada e recolle a súa materia prima en ganderías de pequeno e mediano tamaño deste municipio e doutros próximos como Rodeiro, Antas de Ulla, Lalín e Visantoña, manténdose, desta forma, moi pegada ao territorio, o norte da provincia de Pontevedra.

Queixería ARTELAC

Son Antonio Ferreiro, propietario dunha explotación agrogandeira situada no concello de Antas de Ulla. Fíxenme cargo da explotación familiar e puxen en marcha a queixería onde se elaboran os nosos queixos a partir do leite producido na propia explotación. Desenvolvo a miña actividade dun xeito sostible, priorizando o consumo de materias primas de proximidade.

Queinaga, SAT

Son Carmen da Queixería Queinaga situada no concello de Curtis, unha zona de produción de leite e con gran tradición queixeira. A nosa actividade queixeira comeza co obxectivo de revalorizar a  produción de leite propia.

Queixería Barral

Na Queixería Barral traballamos duro para manter vivo o sabor dos seus queixos DOP Queixo Tetilla e DOP Arzúa-Ulloa, poñendo en valor o esforzo de 30 anos de mestres queixeiros.