Mercar experiencias

Tradición familiar e castes autóctonas valéronlle a este viño con traballo de lías e madeira de carballo francéns o Acio de Ouro dos viños brancos da DO Monterrei en varias edicións das Catas de Galicia.

Da marxe dereita do Miño, onde se asentan as leiras A Cerca e Pazo, sobre chan granítico e xistos, proceden as uvas de treixadura,  godello, albariño e loureira, que se vendiman a man para obter este viño da DO Ribeiro, galardoado co Acio de Bronce de viños brancos nas Catas de Galicia 2020.

Albariño da subzona de Soutomaior, expresión pura do terroir. O minimalismo feito viño. Acio de Prata nas Catas de Galicia 2020.

Pura treixadura de viñedos propios da súa adega da  DO Ribeiro. Galardoado co Acio de Prata de viños brancos de colleitas anteriores nas Catas de Galicia 2020.

Selección privada Terra de Asorei 2018, marca premiada co Acio de Bronce, na categoría viños de colleitas anteriores brancos nas Catas de Galicia 2020. Edición limitada para un albariño con crianza en lías de 12 meses.

Das terras de Vedra, aos pés da histórica ponte Gundián, na subzona do Ulla, dentro da DO Rías Baixas, procede este espumoso, feito co albariño procedente dos seus propios viñedos, conxugando tradición e innovación. Acio de Ouro nas Catas de Galicia 2020.

Albariño con sopro atlántico, de notas froiteiras e aroma a herba cortada. Pura frescura. Merecedor do Acio de Ouro branco na categoría de colleiteiro nas Catas de Galicia 2021.

Homenaxe aos arrieiros, elaborado coa  treixadura do Val do Avia, enriquecida con lado e loureira do Val de Arnoia. Obtivo o Acio de  Ouro aos viños brancos de colleitas anteriores nas Catas de Galicia 2020.