Está situada nunha das “ribadas” máis fermosas do río Miño, con viñedos en socalcos (pendentes de ata o 80%) clasificados como viñedos de montaña, onde todo o traballo é manual e sostible.

Co obxectivo de diversificar a actividade económica da adega e incrementar o valor engadido da produción vitivinícola, Bodega Ribada desenvolveu unha actuación destinada a reforzar a súa oferta enoturística mediante unha intervención arquitectónica e paisaxística plenamente integrada na contorna da Ribeira Sacra.

A actuación permitiu crear novos espazos para a recepción, interpretación e degustación dos viños, mellorando a experiencia das persoas visitantes e favorecendo unha conexión máis directa coa paisaxe do Miño e co patrimonio vitivinícola e románico do territorio, precisamente, e xusto enfronte da adega, se pode observar San Estevo de Ribas de Miño. 

O proxecto foi concibido baixo criterios de integración paisaxística, sustentabilidade e respecto pola identidade do lugar, converténdose nun elemento de valorización da contorna e nun recurso complementario á actividade produtiva da adega.