ANDREA PIÑEIRO

A nosa queixería comezou no 2002 sendo un pequeno obrador onde elaboramos requeixo, coa fin de atender ás demandas dos consumidores que non atopaban o produto nos lineais. Anos máis tarde, comezamos a elaborar outros tipos de queixos que a día de hoxe son recoñecidos tanto dentro como fóra das nosas fronteiras como o queixo O Mouro, cun recubrimento de café e canela. Así, a fábrica foi medrando ata sometela a unha ampliación no 2013 para ser quen de acoller o volume de fabricación diario.
Ademais, elaboramos manteiga do mesmo xeito que o facían as nosas avoas, así como o queixo de inverno ou queixo da nabiza.
Aínda que contamos con tecnoloxía que nos facilita bastante o traballo, en todos os procesos sempre interveñen as mans das nosas artesás, que verifican que o produto cumpla sempre cuns estándares de calidade sen desvirtuar a materia prima de calidade coa que contamos. Toda ela procede das gandeirías dos nosos socios, non mercamos leite a ningún axente externo. Isto permítenos ter maior control de calidade sobre o noso produto, e ao ser gandeirías de pequeno-mediano tamaño, o manexo dos animais inflúe na calidade do leite.
Os pedidos elabóranse diariamente e os queixos selecciónanse de maneira individualizada atendendo ás necesidades de cada cliente. O proceso de empaquetado é completamente manual e nos permite obter un segundo control de calidade do noso produto.