Ponlles cara

Cuevas y Cía, SA

En Cuevas y Cía, cremos que a calidade ten rostro. Detrás de cada Marron Glacé, de cada receita e de cada innovación, hai persoas comprometidas coa súa terra, coa súa historia e co valor de facer as cousas ben. Son mans que seleccionan a mellor castaña galega, que a transforman con paciencia e respecto, e que manteñen viva unha tradición que naceu hai máis de 150 anos. Ponlles cara a quen, con paixón e oficio, fan posible que cada doce, cada textura e cada aroma leve impresa a alma de Galicia. 

SAT A PEMENTEIRA

O feito de que o pemento sexa un produto perecedoiro fai que se altere sensiblemente nun curto espazo de tempo, por iso o lema que reflicte a nosa filosofía para conseguir a máxima calidade é: do campo ao mercado e do produtor ao consumidor, no mínimo tempo posible.

Trasdeza Natur, SCG

María José Tallón cambiou a súa xornada de oficina por unha vida dedicada ao campo. Xunto ao seu marido, Rosendo Estévez, iniciaron un camiño que lles levou a aprender desde cero e que, tras moito esforzo e investigación, permitiulles crear unha tecnoloxía pioneira no sector agroalimentario: un deshidratador de froitas autosuficiente energéticamente. Grazas ao seu compromiso co coidado do medioambiente, alzáronse cun dos dez Premios BBVA & Celler de Can Roca aos Mellores Produtores Sostibles de 2023. O seu produto estrela, os amorodos deshidratadas, non só representa unha solución innovadora para o desperdicio alimentario, senón tamén un exemplo de como a sustentabilidade pode ser o motor dun negocio de éxito