Arquesán destaca pola súa cremosidade, cun sabor que lembra ao leite e á manteiga das gandeirías da súa contorna, o que a fixo merecedora da Distinción de Ouro nas Catas de Galicia 2020.

Artelac é un queixo con DOP Arzúa-Ulloa, con pasta de cor uniforme, entre a branca marfil e a amarela pálida e textura cremosa.

Queixo Azúa- Ulloa Curado, tamén coñecido como queixo da nabiza, queixo do tempo dos nabos ou queixo do ano. Ten un período de maduración mínimo de seis meses. Distinción de Ouro na categoría DOP Arzúa-Ulloa Curado nas Catas de Galicia 2020 e 2021. Elaborado con leite pasteurizado de vaca producido na propia explotación.

Bo-Queixo é un produto elaborado nas faldras do Pico Sacro, concretamente na pequena aldea de Orto, no concello de Boqueixón. Gañador da distinción de Bronce na DOP Arzúa-Ulloa nas Catas de Galicia 2022.

Queixo de pasta branca, branda e granulosa, elaborado a partir de leite pasteurizado e enteiro de vaca. Marca premiada coa Distinción de Ouro na DOP Cebreiro nas Catas de Galicia 2020, 2021 e 2022.

Don Gabino é un queixo elaborado con leite de vaca pasteurizado, callo, fermentos e sal. Conseguiu a Distinción de Ouro na categoría DOP San Simón da Costa nas Catas de Galicia 2020.

O queixo Barral elabórase con leite de vaca natural e enteiro, no seu caso pasteurizado, procedente das razas Rubia Galega, Frisoa, Pardo-Alpina e os seus cruzamentos. Obtivo a Distinción de Prata nas Catas de Galicia 2020.

Queixo tradicional, curado e afumado con madeira de bidueiro. Ten un mínimo de 45 días de curación. Marca premiada coa distinción de Ouro na DOP San Simón da Consta nas Catas de Galicia 2023 e Prata nas do 2020.

Na rexión do Deza, rodeado dunha contorna privilexiada, está o Pazo de Anzuxao, onde dende hai máis de corenta años, se atopan as instalacións desta fábrica tradicional de queixos, galardoado coa Distinción de Prata na categoría Arzúa-Ulloa nas Catas de Galicia 2020 e 2022.