Mercar experiencias

O  frescor floral da treixadura da DO Ribeiro xunto cunha coidada elaboración valéronlle o  Acio de Ouro nas Catas de Galicia 2020.

Este  godello da  DO Monterrei presenta cor pálida con reflexos limón, a luz da comarca de  Verín.  Acio de  Ouro da  súa denominación de  orixe  nas Catas de Galicia 2020.

Homenaxe aos arrieiros, elaborado coa  treixadura do Val do Avia, enriquecida con lado e loureira do Val de Arnoia. Obtivo o Acio de  Ouro aos viños brancos de colleitas anteriores nas Catas de Galicia 2020.

Tradición familiar e castes autóctonas valéronlle a este viño con traballo de lías e madeira de carballo francéns o Acio de Ouro dos viños brancos da DO Monterrei en varias edicións das Catas de Galicia.

Pura treixadura de viñedos propios da súa adega da  DO Ribeiro. Galardoado co Acio de Prata de viños brancos de colleitas anteriores nas Catas de Galicia 2020.

Albariño da subzona de Soutomaior, expresión pura do terroir. O minimalismo feito viño. Acio de Prata nas Catas de Galicia 2020.

 Vicius elabórase a partir da selección de  mostos flor, que pasan a fermentar en barricas novas de carballo francés de toste medio.  Acio de Prata na categoría de elaboracións con madeira brancos na edición 2020 das Catas de Galicia.

Uvas albariño, loureiro e treixadura, que proceden unicamente de viñedos situados na zona do Rosal, explican a intensidade e o carácter  afroitado deste viño galardoado co Acio de Bronce dos viños  DO Rías Baixas brancos nas Catas de Galicia 2020.

Da marxe dereita do Miño, onde se asentan as leiras A Cerca e Pazo, sobre chan granítico e xistos, proceden as uvas de treixadura,  godello, albariño e loureira, que se vendiman a man para obter este viño da DO Ribeiro, galardoado co Acio de Bronce de viños brancos nas Catas de Galicia 2020.