Ponlles cara

DELINUTS SL

Delinuts é unha marca galega que une innovación, pracer e benestar a través da alimentación saudable.

Martietas de Fio (Fio Pombarela SL)

Martietas de Fío é unha homenaxe ás nosas raíces familiares, unha viaxe sensorial que te leva de volta á cociña da casa das nosas avoas. As nosas galletas artesanais, elaboradas con ingredientes naturais e un toque de amor, son unha homenaxe á tradición e á nostalxia. Descobre a historia que se esconde detrás de cada bocado!

DAVEIGA

Queremos ser unha empresa útil e rendible para a sociedade. Ser recoñecidos pola produción responsable. Demostrar que desde o rural e a economía social pódense xestionar compañías cuxos obxectivos estean ao servizo das persoas, a innovación, e a sustentabilidade. Queremos ofrecer alimentos diferentes, sans, saborosos, seguros e útiles para a sociedade. 

TORTA DE SARRIA

Disfruto moitísimo do meu traballo diario, pero encántame irme ao obrador e crear novas receitas, pensar novos packagings… en definitiva, crear novos produtos. Cada día é unha nova oportunidade para explorar a miña creatividade e ofrecer o mellor da repostería artesá.

Sofragal

Sofragal somos unha sociedade Cooperativa Galega situada na Ribeira Sacra, que se dedica a xestión de arboledas para a obtención de castaña local, a cal transformamos en castaña seca e fariña de castaña. Así mesmo, realizamos repostería con base principal de fariña de castaña. Son características nosas bicas e galletas con fariña de castaña.

SILVANS S.C.

Galletas Xianas formamola dúas mulleres que no ano 2015 vímonos obrigadas a reinventarnos por motivos ben diferentes: Neli necesitaba conciliar familia e traballo e Ana complementar un traballo precario. Ningunha das dúas tiña relación co mundo da repostería profesional, pero aínda así a idea de poñer en valor un produto tradicional como son as coñecidas por todos como “Galletas de Xian”, animounos a emprender ista aventura.

TARTAS LA ABUELA

A empresa nace da man da familia Rodríguez Piñeiro e o seu principal desexo: elaborar Tarta de Santiago da máis alta calidade.
Co paso dos anos, nos enorgullece manter o mesmo compromiso coa repostería tradicional, á que unimos innovación e tecnoloxía, para satisfacer os criterios de excelencia que agardan os nosos clientes.
Todo iso significou ampliar horizontes desde a sensibilidade de unir a arte coa gastronomía.

SACRAPASTAS

A intención da nosa marca é a de protexer, transmitir e pór en valor a cultura gastronómica referente á repostería caseira da nosa zona, a que se facía nas casas do rural galego, visibilizando as que son as verdadeiras protagonistas da historia, as mulleres que elaboraban estas receitas doces a partir de produtos que tiñan nas súas casas e que transmitiron de xeración en xeración.

XACOBLEAS

Todos os nosos procesos son realizados manualmente, con ingredientes seleccionados e sen aditivos.