Ponlles cara

Val da Lenda

Levo Val da Lenda coa responsabilidade de manter viva a tradición familiar de Amandi, no corazón da Ribeira Sacra. Vivo cada viño como o resultado dun traballo compartido entre a terra, o esforzo e o respecto pola nosa paisaxe. E dedícome a facer medrar este proxecto con orgullo, defendendo a nosa identidade e a esencia da viticultura heroica.

Bodegas Petrón S.L.

A miña responsabilidade en Bodegas Petrón é a elaboración, coidado e embotellamento do viño coa supervisión do enólogo da nosa adega.

Alan de Val, SAT

Alan de Val é unha adega de ámbito familiar fundada non ano 1993 polos irmáns Sánchez Rodríguez, a partir da experiencia herdada de pais e avós, dedicados dende sempre ao viñedo, ao viveiro e á elaboración de viños

Bodega Eduardo Peña

Producimos os nosos viños só coas uvas que cultivamos nas nosas dez hectáreas e apostamos pola calidade fronte á cantidade.

Bodegas Ladairo

Son Víctor Manuel López Hernández, xerente de Bodegas Ladairo. Dirixo unha adega onde tradición e innovación se unen para dar vida a viños con identidade propia. O meu obxectivo é claro: expresar a esencia de Monterrei en cada botella.

Bodegas Joaquín Rebolledo

Somos unha adega familiar con longa tradición vitivinícola. Esta adega creouse no ano 1978 da man de Joaquín Rebolledo o seu fundador e un dos pioneiros na elaboración de viños de calidade en Galicia.

REGINA VIARUM

Hoxe Regina Viarum é moito máis que un viño, é símbolo do orgullo das cousas ben feitas, do valor de saber esperar a excelencia. É o resultado da sabedoría herdada dos plebeyos romanos, dos monxes e de todos aqueles que creron e cremos nela.

Adegas Don Bernardino

Son Diego e formo parte da 5ª xeración da Adega Don Bernardino. 

Na actualidade, considero fundamental non só preservar a riqueza vitícola da nosa terra, senón tamén transmitir a historia e o esforzo que hai detrás dela. Poder dar a coñecer estes viños únicos e singulares por todo o mundo supón un motivo de orgullo persoal e profesional.

Pazo de Rubianes

A comezos dos anos noventa inicio a miña actividade profesional como enxeñeiro agrónomo e director do Pazo de Rubianes co obxectivo de recuperar o parque botánico do predio e a explotación vitivinícola que actualmente conta cunhas 25 hectáreas.