Somos unha adega familiar con longa tradición vitivinícola. Esta adega creouse no ano 1978 da man de Joaquín Rebolledo o seu fundador e un dos pioneiros na elaboración de viños de calidade en Galicia.

Son Manuel Guerra, de Vía Arxéntea, unha adega de tradición familiar arraigada en Monterrei, cunha extensión de viñedos superior ás tres hectáreas. Foi o meu pai quen, sendo neno, me ensinou a cultivar as viñas e tamén a pisar as uvas no lagar, que máis que un traballo era unha festa.

Síntome moi orgulloso porque despois de tantos anos na emigración, puiden volver ás miñas raíces en Galicia para producir un produto galego de calidade, tan apreciado fóra das nosas fronteiras.

Somos unha adega familiar con 60 hectáreas de viñedos de albariño no Val do Salnés, Rías Baixas que aposta pola calidade, sostenibilidade e internacionalización. O noso logo é un poema simbólico de seis “A” das familias do Val do Salnés de longa tradición adegueira e vinícola, que se remonta ó ano 1953, comezo da Festa do Albariño en Cambados. Seis “A” que simbolizan a nosa irmandade adegueira: Adega, Albariño, Auténtico, Arte Atlántica con Amor.

Dende o ano 1999 adícome en exclusiva a esta actividade, aínda que quixen facelo dende sempre. Con 13 ou 14 anos os meus avós ensináronme a podar, atar, enxertar e coidar das viñas, así como a cultivar todo tipo de vexetais para autoconsumo, "Hai que ter do teu" dicía o meu avó Saturnino con quen me criei.

Adega Cachín cultiva trece hectáreas de viñedos, das cales cinco atópanse na parcela que lle dá nome e prestixio pola excelente materia prima que produce.

Somos a segunda xeración de Pazo de Señorans. Traballamos para que os nosos viños sexan un fiel reflexo da terra que os ve nacer. Cremos profundamente en todo o seu potencial, desde os viños novos ata a capacidade de crecemento que ten a variedade co paso do tempo. Baixo a filosofía de respecto á variedade Albariño, e o coidado do viñedo e a súa afectación ao medio ambiente, Pazo Señorans elabora os seus viños con un marcado carácter varietal que mostra a identidade e o potencial desta nobre uva.

Guillermo Martínez, pai e fillo, somos os xerentes da adega Os Areeiros, conformando así este cambio xeracional. Guillermo pai conseguiu introducir na familia a ilusión por elaborar uns viños propios e transmitirlle a súa paixón pola enoloxía.

Adega orientada cara ao terroir, que procura a creación de viños extraordinarios que transcendan o sentido do tempo e do lugar