Son Katia Álvarez, traballo en Bodegas Martín Códax como directora de enoloxía. O que máis me gusta deste traballo é a capacidade de facer felices a outras persoas a través dunha botella de viño.

Terra de Mareas e unha adega familiar situada no corazón do Salnés e dedicámonos a facer albariño, mencía, caíño e loureiro, Convidámosvos a visitarnos e que probedes os nosos viños tintos que son singulares, polos solos e clima característicos desta zona.

Adega Gullufre é unha pequena adega familiar situada no concello de Sober, pertencente á D.O. Ribeira Sacra, subzona Amandi. A Ribeira Sacra é unha zona vitícola con moito futuro pola calidade dos seus viños, zona coñecida como viticultura heróica onde producimos Romeo Domain un viño exclusivo e de produción limitada

A nosa principal característica é que elaboramos con uvas dos vales dos ríos Miño, Avia e Arnoia. Isto confírelle aos nosos viños as características dos distintos chans areosos, lousa e granito e dos distintos microclimas.

Producimos os nosos viños só coas uvas que cultivamos nas nosas dez hectáreas e apostamos pola calidade fronte á cantidade.

Son Eva e quero compartir convosco a historia de “Horta das Colmeas", que nace do noso agarimo polo rural galego, xunto coa paixón polo marabilloso mundo da apicultura.

Son Adolfo Picáns de Adegas Granbazán da DO Rías Baixas, adega fundada en 1981 no predio Tremoedo. Conta cun fermoso edificio neoclásico cuberto de azulexo azul de marcada influencia indiana.

Chámome David e traballo como encargado en Leive Ecoadega dende hai algo máis de cinco anos. Traballamos con respecto polo patrimonio e polo medio e con criterios de sostenibilidade, así o certifica o Consello Regulador de Agricultura Ecolóxica de Galicia. Facemos todo con agarimo, pensando en ofrecer a máxima calidade aos consumidores de Leive, que son para nós, máis que clientes, amigas e amigos. 

Son Pablo Manuel de Bodegas Pablo Padín, unha empresa familiar con máis de 30 anos de historia. As vivenzas da infancia xogando na adega entre caixas de cartón e depósitos, merendando nos viñedos e, algunha vez, descansando sobre palés de viño, marcaron a miña actual actividade na adega.