Ponlles cara

Queixería Fontelas

Son Javier Piñeiro López, teño 49 anos e xunto coa miña muller Sonia diriximos a Queixería Fontelas. O queixo amparado pola DOP San Simón da Costa é co que nos sentimos máis identificados, aínda que tamén elaboramos outro tipo de queixos.

Queixería Barral

Na Queixería Barral traballamos duro para manter vivo o sabor dos seus queixos DOP Queixo Tetilla e DOP Arzúa-Ulloa, poñendo en valor o esforzo de 30 anos de mestres queixeiros.

GANDERÍA QUINTIÁN

Collemos con agarimo o legado iniciado polos pais de Julio hai máis de 50 anos, continuando o seu camiño coa intención de transmitir, a través dos nosos produtos, unha forma de vivir e entender o mundo.

Fomos pioneiros na venda de leite pasteurizado sen conservantes e hoxe seguimos a diferenciarnos polos mesmos valores: respecto, paciencia e autenticidade.

Lácteos Farelo

Lácteos Anzuxao, S.L.

A mediados dos anos 70 nace modestamente Lacteos Anzuxao elaborando queixo Tetilla a partir do leite que se produce nas propias leiras do Pazo. Co paso dos anos, a fábrica fíxose coñecida pola calidade e o sabor dos seus produtos, conseguindo así unha expansión paulatina sen deixar de lado a tradición e o coidado dos seus inicios.

Cooperativa de Produtores do Campo da Capela S.C.G.

A nosa razón de ser é fundamentalmente manter vivo o rural e seguir fabricando produtos con sabor auténtico da nosa terra de xeito tradicional

Queixería Don Gabino

A queixería Don Gabino foi fundada polos meus pais no ano 1990 como un acto de amor á terra, un acto de recuperación da tradición e elaboración dos queixos de San Simón da Costa

Crisanto SAT - Queixería Don Crisanto

Son María Cuba da queixería Don Crisanto situada na parroquia de Lanzós no concello de Vilalba. Somos unha empresa familiar que inicia a súa actividade no ano 1990, acadando un gran recoñecemento pola súa longa traxectoria na produción artesanal de diferentes tipos de queixos.

Queixería ARTELAC

Son Antonio Ferreiro, propietario dunha explotación agrogandeira situada no concello de Antas de Ulla. Fíxenme cargo da explotación familiar e puxen en marcha a queixería onde se elaboran os nosos queixos a partir do leite producido na propia explotación. Desenvolvo a miña actividade dun xeito sostible, priorizando o consumo de materias primas de proximidade.